أبوذيات عراقــــــة 3

عليك الروح نص الليل ونت
لان برغي القلب مفتوح والنت
ادور عليك بالجات والنت
وينك ياحلو بس مر عليه

2.سفن حبك بشؤاطي القلب شرعن
وسهم حبك نبت بحشاي شرعن
اريدمذهب يحلل البوس شرعن
واذا ماكو راح ارد للجاهلية

3.شكثر بجفاك ون قلبي وهم لك
وعقلي غفل فاركني وهم لك
شتظن انساك ياغالي واهملك
وانت بدمي دم يدور بيه

4.عمي ذبت بغرامك مايع اني
ومنو بهجر الغوالي مايعاني
نشف من اثر هجرك ماي عيني
وبقى بس القهر والضيم بيه

5.اليريد الحلو لابد ويامر
وحبيب الروح يدلل ويأمر
اصيرن نار من يبعد ويامر
وارد قالب ثلج لو رد عليه

6.قلم كلبي تداين ورقة منك
وابد ماكو بجمالك وارقى منك
اسجلك راح الاول ورقمنك
واكتب لالفته محجوز اليه

7.الشوك وياك صدفة قابلاني
شيجي منك عليه قابل اني
تقشمرني بضحكتك قابل اني
غشيم وتعبر الضحكة عليه

8.تروح الروح بغيابك واردهه
وكتاب اجفاك يامدلل وردهه
روحي بغيابك ترى يذبل وردهه
ماي انته وترد الروح بيه

9.صرت مرهون حبك وانت راهن
وعليه ايام هجرك ون تراهن
تجي مرة نتواجه ونتراهن
من الاكثر يحب ويود أخيه

10.صديقي اشكد وفي بطبعك وصادقبيــا ايـة حسـن ابدي وشبهـاكـ
وحبـكـ نـار يم دلل وشبهـاكـ
ياريـت اوصـل على خدودكـ وشبهـكـ
وحط خد على خد وهاي هيـه ..
----------------------------------
فـاه تعذب دليلي وانا ساسي
وتظل دوووم احتياطي وانا ساسي
رمل هيك ساسك وانا ساسي
حجر فنك تدك بسمار بيه

وحك الصاح على الشيطان كلا
الك يروح فدوة العمر كلا
بغلاتك لو تطكني الف كلا
اكلك زيد كلاتك عليه

اكتبلي شما ردت تكتب واردلك
بساتين بوسط گلبي ورد . لك
اروح وابتعد وازعل واردلك
لآن الگلب بيدك مو بديـــه

بدمع عيني اكتبتلك خاطر انه
والك ما يوم كاسر خاطر انه
غير انته تجيني خاطر انه
اجيلك معتني ازحوف اعله اديه

دكافي من البعد يا ترف بس بس
ومنو لبذنك على الهجران بس بس
كبل تركض تجي لو كلت بس بس
شجاك شغيرك هسه عليه

سابيني بجمـــاله اوطول شعره
انا اموت من اسمع ابيات شعره
انا بيني وبين المـــوت شعره
حبيبي اشوكت تلــــــحك عليه

واحبك مااحب غيرك وأصادق
نخيت المهدي والباقر والصادق
تظل انت اعز محبوب اليه

وتختمة ابمحضر الهجران اليه

احبك من صغر عودي وسني
ومن حبك سقط شعري وسني
على حالي بچه شيعي وسني
وثالثهم مسيحي يون عليه

غرف رمان بخـــــدوده غرف تين
ويريت اغرفلي من حسنا غرفتين
داجر مشتمل كلبي غرفتيـــــن
والايجار بوسه بكل مسيــــــــه

وعلى هموم الليالي كَلي بينا
دذبحي بسيف ظلمج كَلي بينا
بقيت السيف انمى اعله الوطيه
.........................
يدنيه بسيف غدرج حاربينا
وفضاج امن المصايب حاربينا
سلب طبعج مزايا حاربينا
ويعير ابن الزواني بكل مزيه
.........................
عجيبه الدنيا هاي شلون دنيا
وعجيبه نفوس اهلها شلون دنيا
يساعتها دعجلي وبعد دن يا
جرسها وتحتركَ هاي

نسيت وتيهت روحي وهم بيك
وحسافه العمر خلصته وهم بيك
خويت وضيعت ناسي وهم بيك
اطلعت جذاب وهم تضحك عليه
*************

*******
شكيت وكوه جبت الراس (عراس)
وبدي تاج الوفه لبسته (عراس)
عفته اليوم ثالث يوم(عرس)
وخبر عرسه الشماته انطوه اليه
*************
شهد شمام شربت شكر شفتك
شهد شلزم شعوفن شكض شفتك
شهد شاهد شهدلي بيوم شفتك
سلب روحي وتركني للاذيه
***********
ادك باب اليضربك واشتمنه
واشيل تراب جدمك واشتم منه
كول أمرني حبي واشمنه
حاضر لو ردت روحي هديه
************
اولي وماكلتلك ولي ساعـــــــــة
واحن لنار هجرك والساعـــــــــة
اذا لحظات اشوفك وله ساعـــــــة
احس بيك الزمن واكف بديــــــــة
**************
المسه كتله صباح الخير ....وبراك
اتمازح كال لولا اتوخز ....وبراك
كلت لا والذي صورك .... وبراك
بجبينك صبح ظنيت المسيه
***********
بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك للمنية
***********
يجرحي شكد اشدنك والافلاك
انة ادري بهيمة ومضيع والافلاك
نجوم الليل خل تشهد والافلاك
انة الميت اليمشي اعلة الوطية
*************
الف دنياي كلهة ماتلفني
عنيد وغير شخصك ماتلفني
عمت عين المنايا ماتلفني
الف دنية ومرة تلعب علية
**********
يروحي انتي حياتي وانتي عُمري

وإذا خرب زماني انتي..عَمري

تشع صيتي وكَعت وضاعـ امري

وروحي اليوم وصلت للمنيه
***************
نفضت الثوب لا بين ولا ثار
ولا طلاب اجة اليطلب ولاثار
كَلكَامش نهوا قصتة والاثار
صفت باللوفر أباريس هية
***********
كافي من الهجر بطل ولك عود
الك نغمه بوتر كلبي والك عود
تعال وشوف
هاي سيوف
تبقى جروح
ابد متروح
وكلب ثاني الك يحسب والك عد
واحبك لو تصب تيزاب بيه
************
حبيبي ارجوك تسمعني بهاداي
تراها الروح معلوله بهاداي
الك هالعين ارسلها بهاداي
بس ارجوك كلبي تعوفه اليه
************
بظلم قانون روحي منسنلها
سبوها وصار اكثر منسنلها
افرحت مابان ضحكت منسنلها
لان كل الالم والهم عليه

***********
عجب دنياي تبليني بشرها
وعليه تغيرت هي وبشرها
فرح للناس شو تعلن بشرها
وانا بشراها زفت بس اذيه

منقوووووووووووووووووووووووول

وردك بالكلب فتح ونابت........
و لون دنياك خانتك ونابت.......
وكفة زلم أوكفلك ونا بت......
وفعال ارجال اشوفك مو بنيه

اتركني يل ورة حدود الوطن ..عديت
وانا بصبري صبر ايوب ..عديت
اذا انت نجوم الليل ..عديت
انا نجوم الظهر طلعن علية

ياظالم لاتهيج الروح ..خلها
عساها تموت من بعد فركاك ..خلها
لزم ايدي الطبيب وصحت ..خلها
المرض بالكلب جا شلك بدية
تتعال ومر على الحبوك ..مر
وحياتي بعد فركاك ..مرة
تذكر من واعدتني وكلت ..مرة
ماعوفك لليوم المنية

أريد أخذ قسط راحه من الراح
بجيت وربعي سألوني من الراح
شجاني وماخذت عبره من الراح
ولا بالجاي عبره تصير أليه

حزن دنياي تمطر ماصحتلي
وردت فرصه أشوفك ماصحتلي
وكفت كبال عينك ماصحتلي
وصحتلك مادرت وجهك عليه

مرهم أصير وياك لو جنت مجروح
أنعل أبو الينساك ياطيب الروح

شتظن حضي بغيابك حالفاني
أنه بياحال بعدك حالي فاني
أبد ماأنسه حبك حالف أني
وتظل للموت روح بروح بيه

بجه كلبي تعال أرجوك سكته
القطار شلون يمشي بغير سكته
أنه بلياك كلبي يموت سكته
وسبع جلطات أذا مترد عليه

روحي ماتت أمهه ومات أبيهه
لأن ترفض عشرتي وما تبيهه
نصبلك عبوه كلبي ومات بيه
يريدك تحظر وتبجي عليه

نزل دمعي على الوجنات دم دم
ومنو بأذنك على الهجران دمدم
يهل عينك فشك قناص دمدم
أخبرك من تمر سدد عليه

الف وسفه الدهر عنك بعدني
اموت وارتجي لوصلك بعدني
تراني على الوعد باقي بعدني
وتراك انت الهوى والروح ليه

نه الكلبي اعله كلبك رق ميانه
ولون كلبك عليه رق ميانه
ارسلتلك بلرساله رقمي انه
واذا يوصل الك تتصل بيه

يكلبي الي تحبهه رابط الهه
حرز بلروح شايل رابط ألهه
أنه ألشاعر وأسوي رابطه ألهه
وأخلي أهل الشعرتحتار بيه

حبيبي جروح كلبي ماتهمني
وصدك من كال أحبك ماتهمني
منو كلك يغالي ماتهمني
تهمني أنته مثل روحي أليه

ميت والعشك ردني وحياني
دنك باسني بخدي وحياني
سئلني وكتله بصراوي وحياني
أشك الكاع لو عالو عليه

هنجل كلبي من شافك ودرباك
وحرت أشلون ا علمنك ودرباك
كضيت زحوف شارعكم ودرباك
وزلغت الركب وعكوس أديه

العشك يهديب عمري كلفاني
وحبنه بغير حبكم كله فاني
سهمك من رميته كل لفاني
مثل جناز راح بدفن أخيه

حبيبي أنه منك ونته مني
وحس كلمن يون لك ونته مني
اجت احزان دهرك ونتمن لي
وصرت يفلان مأوه الكل رزيه

شكثراحسب أنه الجيتك وعدلك
سهرت الليل امتاني وعد لك
اريد ن بيدي اعوجنك وعدلك
وعدلك لو متت مابين أديه

أبد ما أصطبيلك ونتبهلك
وأحذر حيل مني ونتبه لك
أنه ابئهلي أزامط ونته بهلك
(أذا أهلك زلم هدهم عليه)
(أذا عندك شعر جاوب عليه)

الأحبه روحي بروحه مذابه
زعل وياي لو ادري مذابه
ذبني بلا سبب وانه مذابه
هجرني وصاح حبك بس أذيه

عليكم من سلام (الله) ورحمه
حن أعله الكَلب مره وحمه
أذا رايد أجر أنته ورحمه
تعال انطيني بوسه وحن عليه

اجيك بلهف أتعنه وهملك
ولتضن يوم أملنك وهملك
أذا ضنيت متأكد وهم لك
لأن ميصح يهملك صافي نيه

كلمن كال سوف أعمل وسبني
جنه بحجيه شتمني وسبني
أكَله منلوطن اطلع وسبني
آنه أبني الوطن بثنين أديه

الفكر من عكلي طار وشتمني
وعليك ألما يشتمن شتمني
بعد هل ذل يروحي شتمني
تمنت روحي تاخذهه ألمنيه

طبع اليحفر بصحراء يعراك
ومن طبع الشجربالطين يعراك
ومنطبع العراقي يصيح يعراك
ألك يغدي العمر فدوه وهديه

عطشان عله جرفك ليش يماي
كل خصله من اكضهه تصيح يماي
بعيد أبعد بعد لا تلفي يماي
أذا تلفي أشك ثوب العليه

أنه الماخاف من اصلك وفصلاك
منكظك بيدي اكطعنك وفصلاك
ولمن ديتك لمه وفصلاك
أذا دينار أنطي الفصل ميه

فصوص العين فص ليه وفص لك
واكتلك بلعشك يسمر وافصلك
وارد النوب اخيطنك وافصلك
واجيبك فيت يل ترهم عليه
بحجيك ليش بس وياي شطيت
نطيتك دمع عيني تكول شطيت
انه بدمع لجفون اشطوط شطيت
وصب دجله وفرات بين أديه

أبليس الوسوس ابذانك ولوزان
ادخلك جنه كليبي ولوزان
أحبك ابكثر لحرف والوزان
وكل حرف أووزن مضروب ميه

ألجميله عليك لو مرت قف الهه
قصيدة عشك من تمشي قفلهه
أحلفك كون من توصل قفلهه
تقفلهه بألف سركي عليه

بت كلبي انكطع بلتك وبتكم
ردت أندله شارعكم و بتكم
أجي خطاب البتكم وبتكم
غصبن عل عشيره آخذهه اليه

ألحب أبحجر سجيل رجماي
ودمع لجفن فوك لوجن رجماي
حبيبي لو طلب فد يوم رقماي
أنطي الرقم والهاتف سويه

زوج اطيور حبنه صفن بس تك
وصرنه للشماته علج بستك
ماأدري شجاني وكمت بستك
أعذرني ألجرالك مو بديه

يحلوه عيوني أنتي ونتي رم
لتزعليني منج ونه تره امشي
راح نطيج رقمي ونتي رمشي
بس رمشي اتصل ميه بل ميه

بسك فظنه كافي يامطرنه
_وجرنه عله مايك يامه طرنه
وفيظك لعد بيتي يامه طرنه
ويامه فيظت بيتي عليه

أحبج حب جنون" مو طبيعي
_بطلي أبييع ثكلج موطه بيعي
طبع الشهم طبعي مو طبيعي
أغدر ونثني بسابع ثنييه

صرت للدهر صكله ونته لاكه
وفرح ما لاك أليه ونته لاكه
يريت الوكت يفتر ونتلاكه
أحضنك والحضن موساد اليه

العشك كاروكه يامه لوله بيه
وفرني اشلون فره لولبيه
أحبهه وحبهه خله لوله بيه
خله القلم فوك اوراقي يشعر

ومره ايخط حلكهه ومره أسمهه
ومرآكل أبروحي ومره أسمهه
ألعكل أحتار بيهه من رسمهه
وفازت عل بنات الأوله بيه

ألك طوبه الليالي ناولني
وعله هجرك أئكد ناوي لني
أذاyse‏ ترضه ذلي(now)لني
ما أرضه أذا حبك أذيه

صميمي بصدد حبك صده مني
وجم صدمه المصايب صدمني
وصار الصار بيه وصد مني
صديجي الجنت اود يرجع اليه

ألكلب طاح وتكود بس مرني
وبضلوعي بحجيهن بسمرني
سمعت وحده تكلهه بسمه رني
وصيحي بصوت أحبك للمنيه

لون دربك مئاسي بسلكنه
وبعد لتكول لاكن بس لاكنه
كلبي أبسلك شائك بسلكنه
وزرعه اللغام وسحك علمنيه

لون كطعوطريقك علي بسلاك
أجيك ازحوف وفدي لعمربسلك
أتسله لون ألموت بسلاك
بالتابوت سلوه اتصير أليه

ألأحبه أسئلت عن أصله ونسله
وغيره الكلبي مايحصل ونسله
يريتن شعره امشطنه ونسله
ونتشابك سوه الحد المنيه

سهرت ليل السبت كله ولاحد
أتاني و لاخبر جاني ولأحد
الصبر لابد أله طاقه وله حد
وحدي وياك لاخر نفس بيه

ألك بحشاي يعذيبي ولع ضام
عضيم جكد عضيم انته ولعضام
أموت وبس جسد أبقه ولعضام
تشك اللحد لو مريت بيه

يصاحب كلي جم حسره وألم
أذمك لون ما كتلي ولم بيك
أليا وكت تتطشر ولم بيك
أللمك ماي ونته أتلوم بيه

مته احبابك ترد يا كلب متهم
البعد للناس سل جم موته متهم
عله الراحت شلون تكول متهم
وهيه بهل وطن أجمل بنيه

الأهيم لشوفته ليش الي ميهم
وليش أيكول حبك ألي ميهم
يريته ينكطع بالصيف ميهم
وبضهر الحمر تنكل أميه

الدمع بالعين جف ملحه وراسب
لأن بالحب صفر ماخذ وراسب
وره الي راح ما أبجي وراسب
أسبه وبلغلط أشعل أبيه

ألهجر ياترف أضهدني وسلني
شكثر بكرابه أغمدني وسلني
بيه اتشمت العاذل وسلني
عليك وشمت الشمات بيه

أنه اللي جنت ما أتعب ولهلك
تعبت أويامه دلالي وله لك
أريدأشكي الهضم لهلي ولهلك
وارفع عل عشك أكبر قظيه

البعد لضلوعي هشمهه ورضهه
وحرت يا ونه اسكتهه ورضهه
سمه للروح صرت أنته ورضهه
أذا دوسك أضن تتفل عليه

يحلوه الطول من تمشين بلراح
بمشيتج موطحنتي الكلب بلراح
تعذبت وصفكت الراح بالراح
وراحت روحي من مريتي بيه

لا تحقرن كيد الضعيف فلربما
تموت الافاعي منسموم لعقارب

فعل فاعل بفعلي أفعلنه
لون عالي العوالي أف علنه
من أبعيد أعرفه أفعه لنه
عكرب أنكلب وكتل الحيه
***

نسيت أشلون تنسه الربه يرباي
أتكهرب لون أتصير يرباي
أتراجف وصيح بصوت يرباي
يارب حنن أكليبه عليه

أنهدمت وحبج ابكلبي ولع مار
وبعد ميفيد ترميمي ولعمار
الحيا بيد الله يحبيبه ولعمار
من اموت عللجلاوي دكي ليليه

طحت مابيه حيل أعدل ولعوج
دليلي أبنار لهابه ولع وج
اتشمت بيه الصاحي والعوج
وغمان الوكت سولفو بيه

ورد قداح أهديلك وجوري
وريدن ضيمي أحجيلك وجوري
موجر والعشك جمل وجوري
وشبه بركان حبك صار بيه

الكَباحه دوم من اشفاك تنباع
ابفلس ما ظن بسوك الهرج تنباع
من حجيك غشيم الراي تن باع
وطلع كله دغش وسموم حيه

الكَلب شاجر على ابن أمه وداوي
تضعضع ونهدم ركنه وداوي
لا مجروح حتى اكَعد وداوي
ولا غايب وكَول يعود ليه

علامك تصد عن عتبي وتلهاي
او اراك امولع بخصمي وتلهاي
ولك نارك خذت كَلبي وتلهاي
طفيهه بحنانك رد عليه

من منكم علي نشد من سال
جفيتوا وبجفاكم صوت من سال
اشعندي غير دمع العين من سال
اخفف بيه مصاب الصار بيه

متى من ليل هجر اجفاك تنهال
اشجره وسياط هجرك علي تنهال
عزيزه دمعتي وبجفاك تنهال
مثل هل السحاب اعلى الوطيه

رفضنا كل مذله احنا وبينه
الشهامه انغرست بحينا وبينه
انت خالنه وعمنه وبينه
كف دمعك ولا تبدي الشجيه

الصديق اللي نشوفه نقي ونظيف
نود كل يوم نبدي اعليه ونضيف
علي طيبه نجمل طيب ونضيف
بكثر معنى الحروف الابجديه

الهيبه بس الك ربك وهبها
انسام الخير من وجهك وهبها
امر دارك يابو النخوه وهبها
شهم والطيب الك صاير سجيه

قسيت اوياك يسمر عمي أنا
أوعين الماتشوفك عمي أنا
إذا خالك فزع لك عمي أنا
تبرى أوضحك الوادم عليه

انشدك من لهيب النار شكوه
اعطشت ومن السراب امليت شكوه
اشتكي عندك عليك بالف شكوه
ولا كَلبك سمعها وحن عليه

وحك اللي تعبده الناس منشاف
الدمع من يومكم لليوم منشاف
الف ياحيف شفي انكطع منشاف
بعد هيهات جمعتنا سويه

صحت الغوث من دنياي وناس
منهم ماشفت بالكدر وناس
هذا الكَطع ذاك الغفل وناس
استغيث بخالقي رب البريه

تهزهز يا كبر وانفض ترابيك
وعزيز الروح هالنايم ترابيك
اجاني العيد وعيوني ترابيك
انهض لاتشمت اعداي بيه

كَوم انصب يصاحب ماتم النه
على الوياه ليــله ماتم إلنه
لون الرجل يمــلك ماتمنه
مهو بالهون فــركَاهم عليه

أحبابي اشلون حالتــكم بعدنا
اشبدينا والوكَت عنــكم بعدنا
إذا انتم نسيتونا بعدنا
أبذكركم كل صباح وكل مسيه

وحكَ الالف واللامــين والها
وروحي بهوى ساهي العين ولها
لها ثغر وجبين وعــين والها
اخذ شبه البدر لو سـطع ضيه
أبوذيات عراقــــــة 3 338499

» أبوذيات عراقــــــة
» أبوذيات عراقــــــة 2
» أبوذيات عراقــــــة4
» أبوذيات في مناجاة الله